ई–कमर्स साइट www.msmenepal.com को शुभारम्भ (Lunching)

ई–कमर्स साइट www.msmenepal.com को शुभारम्भ (Lunching)

ई–कमर्स साइट www.msmenepal.com को शुभारम्भ (Lunching)

नेपाल सरकार उद्योग बाणिज्य तथा आपूर्ति मन्त्रालय र नेपाल घरेलु तथा साना उद्योग महासंघले भर्चुअल ट्रेड शो र भर्चुअल किनवेचका लागि तयार गरिएको मार्केट प्लेस साइट www.msmenepal.com को शुभारम्भ (Lunching) कार्यक्रम २०७९ असार ९ गते सम्पन्न गरिएको थियो । माननीय उद्योग बाणिज्य तथा आपूर्ति मन्त्री श्री दिलेन्द्र प्रसाद वडुज्यूको प्रमुख आतिथ्यतामा आयोजित शुभारम्भ कार्यक्रममा ल्यापटपको वटन थिचेर ई–कमर्स साइटको शुभारम्भ गरिएको थियो । नेपाल घरेलु तथा साना उद्योग महासंघका अध्यक्ष श्री उमेश प्रसाद सिंहको अध्यक्षतामा आयोजित शुभारम्भ कार्यक्रमलाई सम्वोधन गर्दै माननीय मन्त्रीज्यूले नेपालको सन्दर्भमा यो नयाँ स्वरुपको कार्यक्रम भएकोले यसको दिगोपनका लागिे सहयोग गर्न उद्योग बाणिज्य तथा आपूर्ति मन्त्रालय तयार रहेको जानकारी गराउनु भयो । शुभारम्भ कार्यक्रममा नेपाल घरेलु तथा साना उद्योग महासंघका निर्वतमान अध्यक्ष श्री श्याम प्रसाद गिरी, नेपाल उद्योग बाणिज्य महासंघका अध्यक्ष श्री शेखर गोल्छा, नेपाल चेम्बर अफ कमर्सका अध्यक्ष श्री राजेन्द्र मल्ल, नेपाल उद्योग परिसंघका उपाध्यक्ष श्री कृष्णराज अधिकारी, उद्योग विभागका महानिर्देशक श्री रामचन्द्र तिवारी, फेडेरेशन अफ एक्स्पोर्ट एसोसियसनका अध्यक्ष श्री पवन कुमार गोल्यानले आ–आफ्नो मन्तव्य राख्नु भएको थियो धन्यवाद ज्ञापन केन्द्रीय महिला उद्यमी समितिका अध्यक्ष श्री रोशनी उपाध्यायले गर्नु भएको थियो । शुभारम्भ कार्यक्रमको संचालन महासंघका महासचिव श्री डम्वर प्रसाद रेग्मीले गर्नु भएको थियो । भने शुभारम्भ कार्यक्रममा उद्योग बाणिज्य तथा आपूर्ति मन्त्रालयका उपसचिव श्री दुर्गा भुसाल लगायत विभिन्न सरकारी तथा गैरसरकारी निकाय, संघसस्थाका प्रतिनिधि र उद्यमीहरुको सहभागीता रहेको थियो । शुभारम्भ कार्यक्रम पश्चात क्रेता र विक्रेताहरु विच ई–कमर्स साइट मार्फत सामान किनवेचको डेमो आयोजना गरिएको थियो ।