04
NOV
2015

पालिकाहरुमा संघ गठन गर्ने सम्बन्धी सूचना

श्री नेपाल घरेलु तथा साना उद्योग महासंघ
जिल्ला शाखा तथा स्वायत्त जिल्ला संघ

विषयः स्थानीय तहमा पालिका संघ गठन गर्न पहल गर्ने सम्बन्धमा

नेपालको संविधान २०७२ अनुसार महासंघको संशोधित विधान–२०७३ ले महासंघलाई प्रादेशिक संरचनामा रुपान्तरण गरिसकेको र अहिले ७ वटै प्रदेशहरुमा महासंघको प्रादेशिक संरचना गठन भएको छ । संविधान बमोजिम हालै सम्पन्न स्थानीय तहको निर्वाचन पश्चात स्थानीय तहमा गाउँ/नगर/उपमहानगर र महानगरपालिकाहरु कार्यरत रहेको र लघु, घरेलु तथा साना उद्योग यिनै स्थानीय तहको कार्यक्षेत्रमा परेकोले महासंघलाई पनि पालिका स्तरमै पु¥याउने गरी महासंघको विधानमा उल्लेख भए बमोजिमका नगर संघहरु अव पालिका संघमा रुपान्तरण गर्दै ७४४ वटै स्थानीय तहहरुमा महासंघलाई लैजाने गृहकार्यको थालनी भएको छ ।

यसै सन्दर्भमा ७४४ वटै स्थानीय तहहरुमा महासंघको पालिका संघ गठन गर्दै जाने सिलसिलामा त्यस जिल्लास्थित स्थानीय तहहरुमा अविलम्व पालिका संघ गठन गर्न तत्काल पहल र प्रयत्नको शुरुवात गर्नुहुन अनुरोध गर्दै यसका लागि सार्वजनिक रुपमा आव्हान समेत गर्न सकिने भएकाले यसैसाथ संलग्न सूचना स्थानीय पत्रपत्रिका वा रेडियो जिंगल बनाई एफ.एम. हरु मार्फत प्रकाशन तथा प्रशारण गर्न हुन अनुरोध छ ।

श्याम प्रसाद गिरी
अध्यक्ष

विज्ञापनको नमुना

स्थानीय तह पालिकाहरुमा संघ गठन गर्ने सम्बन्धी
नेपाल घरेलु तथा साना उद्योग महासंघको जरुरी सूचना

लघु, घरेलु तथा साना उद्योगीहरुको हकहितको संरक्षण र प्रवद्र्धन गर्ने उद्देश्यले २०४७ सालमा स्थापित नेपाल घरेलु तथा साना उद्योग महासंघको  ७५ वटै जिल्लामा संगठन रहेकोे र यस अन्तर्गत ५८ जिल्लामा महिला उद्यमी समितिहरु समेत क्रियाशिल रहेका छन ।
झण्डै ३६ हजार साधारण सदस्यमध्ये  १२ हजार महिला उद्यमी र २० वटा वस्तुगत संघ अन्तरगत थप ५० हजार उद्यमी तथा एसोसियट र सहकारी संस्थाहरु समेत महासंघमा आवद्ध रहेका छन् ।
बर्तमान संविधानले मुलुकलाई केन्द्र, प्रदेश र स्थानीय तहमा बिभाजन गरी स्थानीय तहको निर्वाचन समेत भईसकेको र महासंघले पनि  संविधान अनुरुप ७ वटै प्रदेश संघ गठन गरि पालीका तहमा पनि पालिका संघ गठन गर्ने कार्य थालनी गरेको छ । तसर्थ यस महासंघको पालिका संघ गठन गर्नका लागि पालिकाहरुमा रहेका विधिवित दर्ता भएका इच्छुक उद्योगी एवम स्वदेशी वस्तु विक्रि वितरणमा संलग्न व्यवसायीहरुलाई यस महासंघको फो नं ४२२२७५१ वा प्रबन्धक गणेश गिरी, ९८५२०२९१३१, वा सहायक प्रशासकीय अधिकृत रुपक सापकोटा ९८४१६२२७५७ मा सम्पर्क राख्नहुन अनुरोध छ ।